Yong'in chog'ida nafas olish organlarini shaxsiy himoyalash vositalari

Yong‘in paytida eng xavfli shikastlovchi omillar qatorida — tutun, is gazi, sinil kislotasi, xlorovodorod va boshqa gazsimon moddalar mavjud. Nafas olish organlarini ulardan himoya qilish uchun respirator niqoblar, protivogazlar, o‘z-o‘zini qutqaruvchilar va boshqa vositalar ishlatiladi.

Yong‘in paytida NAShHV (nafas olish organlarini shihsiy himoya vositalari)ning qaysi turlari samarali?

Filtrlovchi yuz qismi bo‘lgan himoya niqobi (ko‘p martalik, bir martalik). Tutundan himoyalanish uchun eng oddiy va keng tarqalgan mahsulot. Termobardosh materiallardan tayyorlanadi, +55°C gacha haroratga chidamli

\n
• 3M 6000 seriyali to‘liq yuzniqob. Ko‘ruv va nafas olish organlarini himoya qiladi. Foydalanishda qulay, elastik, mustahkam, mexanik shikastlanishlarga duchor bo‘lmaydi. Terlamaydigan, tirnalishga chidamli linzalar tutunli sharoitda yaxshi ko‘rinishni ta’minlaydi. Almashinuvchi filtrlar tizimi organizmning zaharlanish xavfini kamaytiradi.
\n
• Elipse P3 yarim niqobi. Chang kirishidan himoya qiladi, o‘tkir hidlar va tutunni ushlab qoladi.
\n

Respirator yengillashtirilgan ShHV toifasiga kiradi. Nafas olinadigan havo turli xil tozalash bosqichlaridan o‘tishi mumkin: absorbsiya, xemosorbsiya, filtratsiya yoki kataliz. Sozlanuvchi tasmalar o‘lchamni moslashtirish va moslamani boshda ishonchli fiksatsiya qilish imkonini beradi. Yong‘inlarda qo‘llaniladigan eng samarali respirator tizimlari modellariga quyidagilar kiradi:

\n
• U-2K (1-himoya sinfi). Respirator ikkita klapan (nafas olish/nafas chiqarish) bilan jihozlangan. Tutun va mayda zarrachalar kirishidan saqlaydi. Organizmni yonishning zararli va xavfli mahsulotlaridan himoya qilishga qodir. Hatto xonada juda issiq bo‘lsa ham, mahsulot ichida qulay harorat tartibi saqlanib qoladi.
\n
• «Neva» 209 (2-himoya sinfi). Nafas olish organlarining aerozol moddalar bilan shikastlanishini oldini oladi. Moddalar konsentratsiyasi 12 PDK gacha bo‘lganda samarali. Ikcham o‘lchamlari, oddiy konstruksiyasi, zamonaviy filtratsiya tizimi ushbu respiratorni sanoat ob’ektlarida va turar joy binolarida ishlatish imkonini beradi.
\n
• «Yuliya» 319 (3-himoya sinfi). Qurilma nafas olish klapani bilan jihozlangan. Nafas olish tizimiga toksik aerozollar va o‘tkir tutun kirishiga to‘sqinlik qiladi. Butun perimetr bo‘ylab zich jipslashib turadigan ko‘pikli polimerdan tayyorlangan obtyurator tufayli boshda mahkam turadi.
\n

O‘z-o‘zini qutqaruvchi — ko‘p funksiyali mahsulot bo‘lib, organizmni yonish mahsulotlari va olovni o‘chirishda sepiladigan moddalar kirishidan himoya qiladi. Filtrli niqob va boshni yopib turadigan himoya kapyushonidan iborat. Ikki turi chiqariladi:

\n
• Filtrlovchi o‘z-o‘zini qutqaruvchi. Nafas olganda havo filtr orqali o‘tadi, nafas chiqarganda esa atrof-muhitga tushadi. Bunday qurilmalarga binolardan mustaqil ravishda evakuatsiya qilish uchun ishlatiladigan «Feniks» o‘z-o‘zini qutqaruvchisi kiradi.
\n
• Izolyatsiyalovchi o‘z-o‘zini qutqaruvchi yopiq tizimda ishlaydi. Nafas chiqarilgan havo maxsus ballonga tushadi. Bu ancha samarali himoya vositasi bo‘lib, havo tarkibi va toksik gazlar konsentratsiyasidan qat’i nazar ishlatilishi mumkin.
\n

Protivogaz — ko‘zoynakli germetik niqob bo‘lib, yuzga zich yopishib turadi. To‘plamga maxsus sumkada joylashgan filtrlovchi-yutuvchi element kiradi. Odatda sanoatda qo‘llaniladi. Izolyatsiyalovchi va filtrlovchi protivogazlar farqlanadi. Havo berish tizimiga qarab, ular o‘z-o‘zidan so‘ruvchi yoki majburiy havo beriladigan bo‘lishi mumkin.

NAShHV ni ishlatish qoidalari

Xodimlarni nafas olish organlarini shaxsiy himoya qilish vositalaridan foydalanish qoidalari bilan tanishtirish muhimdir. Ulardan ba’zilari:

\n
1. To‘liq yuzniqob ko‘zoynaklar ustidan taqilmaydi! Shu bilan birga, ba’zi zamonaviy modellarni ko‘zoynak bilan ham taqish mumkin.
\n
2. Respiratorni taqishdan oldin kontakt linzalarini yeching — bu ko‘ruv organlariga qo‘shimcha yuklamadir.
\n
3. NAShHV ni taqib yurgan chog‘da gaplashmang (agar u maxsus akustik qurilma bilan jihozlanmagan bo‘lsa). Bu himoya samaradorligini pasaytiradi.
\n

Sanab o‘tilgan choralarga rioya qilish himoya vositalaridan yanada samarali foydalanish va favqulodda vaziyatlarda xodimlarning sog‘lig‘ini saqlab qolish imkonini beradi.

Korxonada NAShHV mavjudligi — jamoa xavfsizligining muhim shartidir. Ularni bizning saytimizda xarid qilishingiz mumkin. Katalogimizda niqoblar, respiratorlar, yarim niqoblar, klapanli niqoblar, protivogazlar, o‘z-o‘zini qutqaruvchilar va boshqa turdagi ShHV, shuningdek, maxsus poyabzal va maxsus kiyimlar hamyonbop narxlarda taqdim etilgan.